Времето денеска ќе биде сончево и топло со мала до умерена облачност, а попладне наместа ќе биде нестабилно облачно со локален пороен дожд, грмежи и засилен ветер. Максималната дневна температура ќе биде во интервал од 29 до 36 Целзиусови степени.
Во Скопје претпладне ќе биде сончево, додека попладне ќе има услови за развој на нестабилна облачност со дожд и грмежи. Температурата во главниот град ќе се движи во интервал од 19 до 35 Целзиусови степени.
Времето во текот на наредните денови ќе се стабилизира, ќе преовладува сончево и топло, со слични температури на денешните.