fbpx

Прес-конференција на Груевски во 16 часот

-

Лидерот на ВМРО-ДПМНЕ, Никола Груевски, денеска во 16 часот ќе одржи прес-конференција во седиштето на партијата, информираат од ВМРО-ДПМНЕ.

Прес-конференцијата на Груевски следува по прес-конференцијата на специјалната јавна обвинителка Катица Јанева, на која таа соопшти дека СЈО ќе поднесе 17 обвиненија за 18 предмети за 94 физички лица и за 7 правни лица.

Според збирниот извештај на СЈО, се бара притвор за Груевски, за поранешниот шеф на неговиот кабинет, Мартин Протогер, за поранешниот генерален секретар на Владата, Кирил Божиновски, како и за поранешните министри Миле Јанакиески и Гордана Јанкулоска.

Освен за нив, во поднесените обвиненија СЈО бара притвор и за поранешниот директор на Управата за безбедност и контраразузнавање, Сашо Мијалков, ексминистерката за култура, Елизабета Канческа-Милевска, поранешниот вицепремиер за економски прашања, Владимир Пешевски, за градоначалникот на Гази Баба, Тони Трајковски, како и за уредникот на телевизијата „Сител“, Драган Павловиќ-Латас.

Покрај притворите, СЈО бара да им бидат одредени мерки на претпазливост на уште 47 лица.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...