Проследете ги нашите препораки за игри на големи попусти што може да се купат на пролетниот попуст на платформата на Blizzard: Battle.net и на сервисот за игри на Valve: Steam.
Devil May Cry игрите се на големи попусти, од кои најновата е на 50 отсто попуст и чини 15 евра додека претходните делови варираат од 60-70 отсто попусти. Овие игри изобилуваат со акција и цело време се борите против различни демони со главниот лик Данте.
Во овие игри можете да играте на различни начини и можете комплетно да ја поминете играта само со користење на меч, два пиштола и специјални способности. Во најновиот дел се користи и роботска рака како дополнително оружје.
Devil May Cry игрите се доста добро изработени а битките со „босовите“. Името на главниот лик Данте е дадено според Данте Алигери кој светот го знае како ренесансниот писател кој ја напишал „Божествена Комедија“. Самите игри содржат сопствен хумор и многу забавна акција.
Друга игра која ви ја препорачуваме е Star Wars Jedi: Fallen Order која што е на 75 отсто попуст и чини само 10 евра. Редовната цена е 50 евра. Играта е тешка и може да преставува предизвик за повеќето гејмери, со многу загатки и акција во квалитетно сработен „сетинг“. Слично како на Souls игрите и овде одмарате на места на моќ и отклучувате нови локации како и места за повторно оживување ако загинете во играта. Промоцијата за намаление на цената на оваа игра трае до 28 март.
Третата препорака е играта Warhammer: Vermintide 2 која е на 80 отсто попуст и чини 6 евра наместо 28 евра што е редовната цена. Намалувањето трае до 22 март. Играта е со динамичен „комбат“ каде играте во прво лице со различни оружја и е одлична за играње во група до 4 играчи одеднаш. Ако сакате сè да ви биде отклучено како опција во играта можете да ги докупите и експанзиите кои се на 67 отсто попуст но сепак чинат околу 38 евра сите заедно. Сепак основната играима многу да понуди и можете да ги освоите скоро сите „ачивменти“ (достигнувања).
Што се однесува до Battle.net има намаленија и до 67 отсто до 29 март. Игра што навистина вреди и има голем потенцијал за бројни преигрувања е Diablo 2 Resurrected(играта е на 30 отсто попуст и чини 30 евра). Таа има и мултиплејер односно се игра онлајн. Исто така, оваа игра е покриена во претходен наш напис.
Overwatch сега е една од најевтините од Blizzard за само 17 евра и тоа Overwatch Legendary Edition која е на намаление од 57отсто од нормалната цена што е 40 евра. А за WoW се намалени цените за „upgrade“ на Legendary или Heroic Edition но не и за основната игра. Моментално се игра нов Raid на WoW а во исчекување е и нов „patch“ каде и хордата и алијансата ќе можат да играат во иста група. Најавен е и датумот за откривање на нова експанзија и тоа е на 19 април.
Други игри што ги препорачуваме кои можат да се најдат на Steam за кои не важат попустите и чинат околу 50-60 евра секоја се God of War и Elden Ring. За овие две игри имаме и неодамнешни написи што може да ги видите тука и овде.