Ирачкиот премиер Хајдер ал-Абади го осуди турското распоредување на војска во Северен Ирак, во близина на градот Мосул, и побара војниците итно да ја напуштат територијата.
Во соопштението испратено денеска, Абади наведува дека влегувањето на турската војска во северната провинција Ниневех е нарушување на ирачкиот суверенитет.
Ирачкото министерство за надворешни работи го опиша влегувањето на околу 150 турски војници со 25 тенкови како упад и одби каква било воена операција што не е координирана со федералната влада во Багдад.
Турски извори велат дека турските војници влегле вчера како дел од рутински вежби за обука на ирачките војници во близината на Мосул, град со повеќе од еден милион жители, кој е заземан од Исламска држава во јули минатата година.
