fbpx

Премиерот Ковачевски ги повика Македонците во Албанија слободно да се изјаснат на пописот

-

Премиерот Димитар Ковачевски ги повика Македонците во Албанија слободно да се изјаснат на пописот како Македонци и да не подлегнуваат на притисоци ако ги има. Изјавата следува откако македонската заедница обвини дека Бугарија врши асимилација на македонското малцинство, преку продажба на бугарски пасоши. Ковачевски денеска посочи дека Македонците во Албанија се веќе етаблирана заедница во земјата која има своја партија, пратеник во Парламентот и градоначалник од нивните редови.

„С. Македонија како држава е секогаш присутна меѓу македонското малцинство. На пописот во Албанија секој од нив ќе може слободно да се изрази како Македонец, а доколку постои притисок врз нив, не треба да подлегнуваат на него. Верувам дека Албанија ќе го направи пописот врз основа на сите највисоки стандарди на Европската Унија и на Евростат и дека ќе спречи било какви притисоци во поглед на било какво влијание врз било кој граѓанин, без разлика на неговата етничка припадност“, рече Ковачевски.

Премиерот Димитар Ковачевски најави дека за ова прашање ќе разговара и со неговиот албански колега Еди Рама на престојниот самит на Отворен Балкан во Белград.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Доналд Туск: Во ризик сме од војна, Европа не е подготвена

Полскиот премиер Доналд Туск изјави оти смета дека постои огромен ризик од војна и оти никој во Европа нема да се чувствува безбедно доколку Русија победи во Украина, пренесува...