Граѓаните нема да аплицираат за домашната платежна картичка, туку преку веб страницата www.kupuvamdomasno.gov.mk ќе може да проверат дали им следува, односно дали се корисници на некоја од платежните картички и која е нивната банка издавач, соопштија од Владата. Оттаму информираат дека страната ќе биде достапна наскоро.
Листата на граѓани корисници ја изготвуваат Управата за јавни приходи, Министерството за образование и наука и Фондот за здравствено осигурување.
Корисници на домашни картички се граѓани со низок доход, вработени со низок доход, млади лица и здравствени работници ангажирани во справувањето со Ковид-19.
Домашната платежна картичка е дел од третиот сет економски мерки кои ги најави Владата со цел справување со корона кризата.
