fbpx

Прекршочна пријава за градоначалникот на општина Јегуновце и за бизнисменот кој со него се расправал

-

По инцидентот во Архивата на Општина Јегуновце, во кој учествувале сегашниот градоначалник на општината, Димитар Костадиноски од ВМРО-ДПМНЕ и бизнисменот М.М.(69) од Скопје, МВР соопшти дека случајот е расчистен.

СВР Тетово до Основниот суд Тетово поднело барања за поведување прекршочна постапка и против 44-годишниот градоначалник и против 69-годишниот бизнисмен.

Според соопштението, Костадиноски на 5 јануари годинава околу 11.30 часот во Архивата на општинскиот објект, најпрво вербално се расправал со М.М.(69) од Скопје, управител на приватна фирма, му ги зел, му ги стуткал и фрлил документите на една од масите и го истуркал од просторијата.

М.М., пак, според пријавеното, го навредувал и му се заканувал на градоначалникот, откако тој му ги стуткал и фрлил документите и го истуркал од општинската Архива.

Градоначалникот Костадиновски, еден ден по инцидентот, на Фејсбук објави дека во просториите на општина Јегуновце, управител на фирма за електроматеријали инсистирал да „направи фалсификување на документи односно да повлече фактури од 17.09.2021 и да внесе нови изменети фактури со ист датум“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...