fbpx

Прекината наставата во општините Охрид, Струга и Дебарца, сите планински села отсечени

-

Поради прекинот со електрично напојување, утринава не се одржа настава во првите смени во сите училишта во Охрид, Струга и во општина Дебарца. Поради високите снежни намети, сите села од Дебрца се практично отсечени. Неизвесно е дали настава ќе има и во втората смена во Охрид, додека во Дебарца и во Струга и официјално ќе нема настава и во текот на утрешниот ден.

Градоначалникот на Струга, Зијадин Села, лично упати апел до учениците и до наставниците во училиштата во општина Струга денеска и утре да не ја реализираат наставата поради тоа што нема електрична енергија.

– Училиштата во општина Струга се загреваат на нафта, но пумпите на парните котли работат на електрична енергија. Поради тоа што немаше струја, утрово училниците во училиштата се многу студени, а електрична енергија нема и понатаму во Струга. Затоа ги повикувам наставниците, децата и родителите да не се реализира наставата денеска и утре зашто нема воопшто услови за тоа – рече Села за охридското „Супер радио“.

Тој појасни дека денешниот и утрешниот ден ќе се одработат дополнително кога ќе има услови за тоа.
Градот и околните села, од кои најголемиот дел се планински, се оковани во снег. Дел од повисоките планински села се целосно отсечени од комуникација поради високата снежна покривка.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Промоција на винил компилација „Поп култура“, во чест на Мирко Попов

Вечерва ќе се одржи промоција на винил компилацијата „Поп култура“ во едукативниот културен центар „Лабораториум“, во рамките на платформата „Силата ЕУ Младите“. Изданието содржи песни од млади современи македонски поп...