fbpx

Предложената иницијатива за уставните измени стигна до Владата

Владата ќе треба на седница да ја разгледа предлог-иницијативата за уставни измени, по што и официјално извршната власт ќе може да ги достави нив до Собранието на РСМ

-

Министерството за правда ја испрати до Владата на РСМ предлог-иницијативата за уставните измени. Откако беа усвоени од страна на работната група за уставни измени, предлог-иницијативата за промена на Уставот потоа се проверуваше од страна на Министерството за правда, по што беше преведена и на албански јазик.

Владата на седница ќе треба да ја разгледа предлог-иницијативата за уставни измени, по што и официјално извршната власт ќе може да ја достави до Собранието на РСМ.

Работната група за уставните измени на 26 мај го усвои предлогот за промена на Уставот, според кој, освен бугарскиот, во Преамбулата на македонскиот Устав треба да влезат и хрватскиот, црногорскиот, словенечкиот, еврејскиот и египќанскиот народ.

Главна точка на лидерската средба меѓу премиерот Димитар Ковачевски и опозицискиот лидер Христијан Мицкоски в среда ќе бидат токму уставните измени и нивното прифаќање во Собранието на РСМ.

Инаку, пратеничката група на ВМРО-ДПМНЕ и коалицијата денеска излегоа со соопштение пред одржување на лидерската средба со порака дека нема да ги поддржат уставните измени.

„Пратеничката група на Коалицијата „За обнова на Македонија” предводена од ВМРО-ДПМНЕ со овој став упатува раководството на партијата, сите политички претставници на Коалицијата „За обнова на Македонија“ и претседателот на партијата проф. д-р Христијан Мицкоски на претстојната лидерска средба да ги реафирмира ставовите за неприфаќање на уставните измени и да се почитуваат интересите на граѓаните“, соопштија денеска од ВМРО-ДПМНЕ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...