Шумски пожар над железничката станица „Рајко Жинзифов“. Фото: Мета, 10 септември 2021

И претпладнево траат борбите на пожарникарите со големиот шумски пожар што вчера изби над железничката станица „Рајко Жинзифов” во близина на Велес. Пожарот бил пријавен во 13:10 часот во Територијалната противпожарна единица во градот од каде со осум пожарникари со две возила веднаш се вклучија во неговото гаснење.

Пожарникарите на терен беа синоќа до 22 часот. Утрово во неговото гаснење се вклучени вработените од ШС „Бабуна”, а на терен се подготвуваат да заминат и пожарникари од ТППЕ Велес. Како што информираат од ТППЕ Велес со пожарот досега се зафатени повеќе од 50 хектари ниско стеблеста дабова шума,трња и сува трева, извести МИА.