Најмалку едно лице загина, а 12 се повредени во пожар кој ноќеска зафати петкатница на Менхетан, Њујорк, соопштија спасувачките екипи.
Пожарот е пријавен околу 3.30 часот по локално време, односно 9.30 часот по средноевропско време, во повеќекатница на улица Ист 93, во населбата Јорквил.
Огнот набргу се проширил на целата зграда, а во еден момент почнал да излегува од покривот.
Американските медиуми јавуваат дека исплашените граѓани истрчале на улица во пижами.
Пожарникарите соопштиле дека во пожарот загинало едно лице, пет станари добиле потешки повреди, а четири се полесно повредени. Во огнената стихија се повредени и седум пожарникари.
Поради пожарот околните улици биле блокирани за сообраќај.
**OUT OF AREA**
NYC
MANHATTAN
6TH ALARM
FIRE IN A 4STY BRICK ATTACHED https://t.co/7QOkyplcE1— Greater Boston Radio (@5_13Dist) October 27, 2016