Давос Лаб е првиот светски план за закрепнување предводен од млади од целиот свет како одговор и решение на светските проблеми. Станува збор за дијалогот произлезен од светската мрежа на Глобал Шејперс заедницата Global Shapers Skopje Hub – иницијатива на Светскиот економски форум.
По повод Светскиот ден на водите – 22 Март, ќе се одржи младинска дебата на тема „Нова генерација на влијание и етика: Водата, човекот, државата.”, на која се поканети да учествуваат сите млади лица до 35 години кои со своите идеи сакаат да придонесат во првиот светски план за закрепнување воден од младите.
„Управувањето со водите влијае врз животот на младите. Во услови на климатски промени и пандемија која ни го промени животот во изминатата година, решивме да го слушнеме гласот на младите и нивните размислувања за важноста на водата и улогата на човекот и државата во нивната заштита“, велат од Water4Changes.
Сите заинтересирани млади лица за учество на онлајн настанот, може да се пријават на следниов линк.
Младинската дебата ќе се одржи на 22 март, со почеток од 18 часот. На настанот ќе земат учество Евгенија Крстевска, адвокатка за заштита на животната средина, Сања Манчева, основач на Ко-креатори, Мирослав Драганов, модератор и ментор на Ко-креатори, Елена Ташева, младински едукатор и Марија Ангеловска, менаџер за корпоративна одговорност и одржлив развој.
