Најмалку 62 лица загинаа кога се урна кран врз најголемата џамија во светот, „Ал харам“ во Мека, јави „Ројтерс“, повикувајќи се на саудиските власти за цивилна заштита.

Агенцијата ТАСС пренесува дека најголем дел од жртвите се верници кои одат на аџилак во ова исламско светилиште.

Според првичните информации, причина за несреќата бил силниот ветар кој го турнал кранот.

Некои од локалните медиуми јавуваат дека несреќата се случила при големо невреме, а причината за падот на оваа огромна машина би можело да биде и удар од гром.

Џамијата веќе две години се реконструира.