Министерството за здравство информира дека во последните 24 часа се направени 1.045 тестирања, а се регистрирани 164 нови случаи на ковид-19 и тоа во: Скопје 85, Куманово 24, Дебар 3, Штип 5, Прилеп 3, Тетово 18, Струга 5, Охрид 9, Гостивар 2, по 1 случај во Гевгелија, Крива Паланка, Кочани, Македонски Брод, Валандово и Неготино и по 2 случаи во Свети Николе и Ресен.
Институтот за јавно здравје забележа 12 оздравени пациенти, во Скопје 3, Прилеп 6, и Струга, Велес и Виница по еден. Починати се две лица, од Скопје и Тетово.
Во ГОБ „8 септември“ почина пациентка од Скопје (53г) хоспитализирана како сомнителна на ковид-19 на 2 јуни и потврдена позитивна по приемот. Во болницата во Тетово почина пациентка (60г) хоспитализирана на 9 јуни.
Вкупната бројка на дијагностицирани од почетокот на епидемијата изнесува 3.701, на оздравени пациенти е 1.694, починаа 171, а во моментов бројот на активни случаи изнесува 1.836. Од нив најмногу се во Скопје, 1.040 и во Куманово, 202. Досега се направени вкупно 41.049 тестирања на ковид -19, а денеска нема тестирања во рамките на скринингот.
На Инфективната клиника во изминативе 24 часа примени се 16 нови, а вкупно хоспитализирани има 93 пациенти. На кислородна поддршка се 44 пациенти, нема пациенти на механичка вентилација.
По општини сликата за активни случаи во Скопје, заклучно со вчерашниот ден, изгледа вака : Чаир-235, Бутел-88, Аеродром-87, Гази Баба-89, Центар-87, Карпош-79, Сарај-75, Кисела Вода-52, Ѓорче Петров-39, Шуто Оризари-29, Студеничани-25, Арачиново-30, Илинден-20, Петровец-7, Чучер Сандево-6 и Сопиште-3, двајца странци и 2 неутврдени случаи.
До утрово, во ГОБ „8 Септември“ примени се 16 нови, а вкупно хоспитализирани 60 пациенти. На респираторна машина се 10, a со потешка клиничка слика се уште 11 пациенти. Во болницата во Битола се хоспитализирани 25 пациенти, а на домашно лекување се следат 2 пациента. Во болницата во Штип се хоспитализирани 23 пациенти, а на инфективните одделенија во Тетово, Охрид, Велес, Куманово и Прилеп се хоспитализирани 31 пациент – позитивни и сомнителни на ковид-19.