fbpx

Потпишани договорите за идниот далновод кон Албанија и нова трафостаница во Охрид

-

МЕПСО ќе инвестира 35 милиони евра во двата проекти за изградба на 400 киловолтен далновод за поврзување на електропреносните системи на Македонија и Албанија и на нова 400/100 киловолтна трансформаторска станица во близина на Охрид. Во владата денес беа потпишани договорите со изведувачите „Енергоинвест“ од Босна и Херцеговина и „Кончар“ од Хрватска. Реализацијата на проектот е од огромно значење за нашата земја, бидејќи со него ќе се стави во функција коридорот за пренос на струја од Бугарија, преку Македонија и Албанија, до Италија.

Премиерот Оливер Спасовски во своето обраќање истакна дека со овие инвестиции се подига степенот на стабилноста на електроенергетските системи за подобра продуктивност, што е од интерес за домашните и странските инвеститори кои имаат придонес во растот на економијата.

– Регионалното поврзување на електропреносните системи е долгорочен стратешки интерес за секоја држава. Врските со соседите значат електроенергетска стабилност – основа за секоја просперитетна економија. Нашата работа е токму тоа – нагласи генералната директорка на МЕПСО Ева Шуклева.

Новиот далновод меѓу Македонија и Албанија ќе се гради од трансформаторската станица „Битола 2“ до трансформаторската станица „Елбасан“. Воедно, проектот за изградба на 400/100 kv трафостаница „Охрид“ ќе обезбеди сигурно снабдување со електрична енергија на Охридскиот регион. Спроведувањето на проектот е со финансиска поддршка на Европската банка за обнова и развој (ЕБОР).

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...