Во Виена е постигнат нацрт-договор меѓу Иран и шесте големи сили за иранската нуклеарна програма, јавуваат светските медиуми, повикувајќи се на дипломатски извори.
Нацртот предвидува инспекторите на Обединетите нации да имаат пристап до сите сомнителни ирански локации, вклучувајќи ги и воените.
Агенцијата „Ројтерс“ наведува дека станува збор за нацрт-договор, кој не е конечен и кој би можел да биде дополнет пред да го прифатат шестте сили и Иран.
Дипломати блиски до преговорите изразуваат надеж дека конечната верзија на нацрт-спогодбата ќе биде одобрена денеска и ќе биде постигнат договор.