Украинскиот претседател Петро Порошенко денеска изјави дека неговата земја во рок од пет години ќе ги исполни условите за членство во Европска унија.
Порошенко на самитот на ЕУ и на Украина во Киев истакнал дека Украина заслужува да биде интегрален дел од Унијата и дека членството во тој блок е клучната цел на неговата влада.
Патот на Украина кон ЕУ беше главниот камен на сопнување помеѓу поранешниот претседател Виктор Јанукович и демонстрантите кои почнаа протести, бесни бидејќи Јанукович го откажа потпишувањето на договорот за соработка и за асоцијација со ЕУ.
