Украинскиот претседател Петро Порошенко денеска изјави дека неговите лични финансиски активности преку офшор-компании се целосно транспарентни и легални.
Тој за време на престојот во Токио рече дека се подготвуваат реформи што ќе овозможат користење на офшор-компании.
Порошенко е еден од актуелните светски лидери што се споменуваат во „Панама пејперс“ во врска со наводните офшор-активности за избегнување плаќање данок.
Украинскиот претседател на новинарите во Токио им рекол дека ја воспоставил офшор-компанијата за да ги одвои своите бизнис и политички интереси откако станал претседател.
Украинската радикална партија вчера иницира импичмент против Порошенко поради неговата вмешаност во активности во даночниот рај.
Националното биро за борба против корупција одби да покрене истрага за ова прашање, напоменувајќи дека тоа ги надминува неговите надлежности.