Поранешниот началник на Секторот за внатрешни работи Штип, Јордан Ламановски, е новиот помошник-министер за односи со јавноста на Министерството за внатрешни работи (МВР), пишува „Утрински“ на својата интернет-страница.

Ламановски доаѓа на местото на Иво Котевски, кој ја презеде функцијата директор на центарот за комуникации на владејчката ВМРО-ДПМНЕ.

Новиот помошник-министер за односи со јавноста на МВР, Ламановски, во 2013 година беше назначен за началник на СВР Штип, а како што пишува „Утрински“, работел и во Централните полициски служби (ЦПС).