Луѓето што ќе допатуваат во Германија од Велика Британија од утре ќе мора да поминат 14 дена во карантин дури и ако имаат негативен тест за корона вирусот. Дополнително, транспортните компании во Германија ќе може да довезуваат само германски државјани.
Причината за новите рестрикции е стравувањето од Индискиот сој на корона вирусот, а Германија ја прогласи Велика Британија за земја со највисок ризик, по препораки на Институтот „Роберт Кох“.
„Оваа варијанта изгледа поагресивна и од британската мутација. Тоа значи дека мора да бидеме внимателни“, рече германската канцеларка Ангела Меркел вчера на Светскиот здравствен самит на Г-20.
