Шефот на македонската дипломатија, Никола Попоски, денеска во Базел, Швајцарија, ќе учествува на 21.Министерски совет на Организацијата за безбедност и соработка во Европа.
Како што соопштија од МНР, на средбата ќе бидат разменати мислења за активностите на ОБСЕ во изминатиот едногодишен период, како и за идните правци на дејствување во сферата на трите димензии кои ги покрива ОБСЕ: политичко-воената, економската заедно со животната средина и со хуманата, односно сегментот на човековите права.