Управата за јавни приходи (УЈП) извести дека вториот масовен бојкот поминал со 22, 12 отсто пад на прометот во осумте големи синџири на маркети во земјава. Во однос на минатиот петок, кога граѓаните првпат се организираа на бојкот поради високите цени, на 07.02.2025 година е остварен 36,95 отсто поголем промет.
„При споредба на регистрираниот промет на крајот на месецот односно 31.01 и петок 07.02.20025 година треба да се имаат предвид различните фактори кои можат да влијаат на потрошувачките навики. Еден од тие фактори е тоа што голем дел од граѓаните примаат плата и пензии на почеток од месецот, што создава и промени во нивното потрошувачко однесување“, велат од УЈП.
Во петок, на 07.02.2025 година до полноќ, во системот на УЈП е регистриран вкупен промет во износ од 181.288.348 денари, а издадени се 346.317 фискални сметки.
Кај овој анализиран период кај осумте поголеми синџири на маркети е забележан пад на вкупниот промет за 22,12%.
Минатиот петок, кога првпат беше организиран бојкот, прометот кај големите синџири на маркети падна за 46,59 отсто.
