Британската полиција утрово уапсила 18-годишно момче под сомневање за поврзаност со бомбашкиот напад што вчера се случи во метро-станицата Парсонс грин, во југозападен Лондон, јавува „Би-би-си“.
Засега нема информации за индентитетот на момчето, а полицијата неговото апсење го опишала како значајно.
Момчето било уапсено во пристанишниот град Довер и е задржано во локалната полициска станица.
„Имаме важно апсење во истрагата утрово. Иако сме задоволни од напредокот, продолжуваме со истрагата, а нивото на опасност и понатаму останува критично“, изјавил Нил Басу, координатор на антитерористичките единици на полицијата.
Во детонацијата на импровизираната експлозива направа поставена во метрото повредени беа 29 лица.
An 18yo man has been arrested in connection with #ParsonsGreen. Investigation continues, threat level at critical.https://t.co/D3vzwpkzvz pic.twitter.com/eijdjmSbtP
— Counter Terrorism Policing UK (@TerrorismPolice) September 16, 2017
