Утрово, околу 2.10 часот, непознат сторител се обидел да го запали возилото на 56-годишниот битолчанец М.Ј., паркирано пред неговата куќа на улицата Димитар Хаџи-Попов во градот.
Според полициските информации, сторителот подметнал автомобилска гума под возилото, марка „џип“, и ја запалил.
Во случајот нема повредени, а пожарот го локализирал сопственикот на возилото. Полициски екипи извршиле увид на местото и во тек е истрага за расчистување на случајот.