Послаб земјотрес бил почувствуван денеска напладне на југоистокот од земјава. Епицентарот на земјотресот се наоѓал на 130 километри југоисточно од Скопје, соопшти Сеизмолошката опсерваторија при Природно-математичкиот факултет во Скопје.
Земјотресот бил регистриран во 12 часот и 17 минути, а бил почувствуван во југоисточните делови од Републиката, со интензитет од три до четири степени според Европската макро-сеизмичка скала–1998.
