Денеска напладне на платото пред жичницата на Средно Водно, почнува кампањата „Лето без пожари“, чија цел е, преку подигнување на свеста кај граѓаните за потенцијалните ризици и штети, да се заштитат шумски површини, земјоделското земјиште, ливадите и пасиштата од пожари во летниот период.

„Активностите ќе продолжат во текот на летниот период на повеќе локации на подрачјето на СВР Скопје, каде има зголемена фреквенција на луѓе и на возила, а со самото тоа и зголемен ризик од предизвикување пожари, но и големи можности за постигнување на планираните резултати“, велат од Министерството за внатрешни работи.