Лидерите на Европската унија денеска во Брисел на дводневен самит ќе расправаат за бегалската криза.
Се очекува лидерите на ЕУ да разговараат за зајакнување на европските граници, како и за барањето на Турција за создавање безбедна зона на северот на Сирија, од каде доаѓаат најголем број бегалци.
Речиси два милиони сириски бегалци се наоѓаат во Турција, а стотина илјади годинава ја минале границата во Грција и понатаму во Европа.
Претседателот на Советот на Европа, Доналд Туск, предупреди дека не треба да се залажуваме дека бегалската криза ќе се намали со доаѓањето на зимата.
– Мораме да бидеме спремни за пролетта и за заканата од уште поголем бран бегалци во Европа – рече Туск во писмото до лидерите на ЕУ.