Петвалентната вакцина пристигна во Република Македонија, a вакцинацијата почна во сите служби за имунизација во целата држава.
– Ако од 1 август почнавме со шествалентните вакцини и од денеска со петвалентните вакцини, можеме да кажеме дека во Македонија веќе комплетно се во употреба поливалентните вакцини. Тоа значи од 13 боцкања за деца до две години, сега се намали бројот на седум боцкања. Вакцините ќе бидат достапни за сите деца на возраст од два месеца до две години – изјави Јованка Костовска, раководителка на секторот за превентивна здравствена заштита при Министерството за здравство.
