fbpx

Почина Стојан Андов, првиот претседател на Собранието по осамостојувањето

На првите повеќепартиски избори во 1990 година е избран за собраниски пратеник. Претседател на Собранието бил во три мандати, а по атентатот на поранешниот претседател Киро Глигоров во 1995 година, извесен период ја врши и функцијата претседател

-

На 89 годишна возраст, почина Стојан Андов, првиот претседател на Собранието на самостојна и суверена Република Македонија, поранешен пратеник и основач на Либералната партија.

Роден е во 1935 година во Кавадарци. Дипломирал на Економскиот факултет во Скопје, а магистрирал на Факултетот за политички науки при Белградскиот универзитет.

Бил потпретседател на Републичкиот извршен совет, член на македонската делегација во Соборот на републиките и покраините и член на федералната влада во три мандати.

Бил амбасадор на поранешна Југославија во Ирак.

Основач е на Либералната партија на Македонија и како нејзин претседател ја водеше партијата до спојувањето со Демократската партија во 1997 година, кога е избран за претседател на Советот на новоформираната Либерално-демократска партија (ЛДП).

На првите повеќепартиски избори во 1990 година е избран за собраниски пратеник. Претседател на Собранието бил во три мандати, а по атентатот на поранешниот претседател Киро Глигоров во 1995 година, извесен период ја врши и функцијата претседател.

На изборите во 1999 беше кандидат на ЛДП за претседател на Македонија, но не помина во вториот круг.

Андов напиша повеќе книги од областа на економскиот и политичкиот систем, како и литературни романи.

Во 2021 година, претседателот Стево Пендаровски му додели Орден „8 Септември“ за особен придонес во осамостојувањето на Македонија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Податочните центри во Ирска потрошиле повеќе струја од сите домаќинства заедно

Податочните центри во Ирска потрошиле повеќе струја од сите домаќинства во државата заедно, пренесува Гардијан. Според Државниот завод за статистика на Ирска, податочните центри искористиле 21 отсто од електричната енергија...