fbpx

Почина поранешниот грчки претседател Стефанопулос

-

На 90-годишна возраст, почина поранешниот грчки претседател Костис Стефанопулос. Стефанопулос беше хоспитализиран во четвртокот со пневмонија и почина вчера, доцна вечерта, во една од атинските болници.

Стефанопулос беше претседател на Грција од 1995 до 2005 година, со два мандати и со голема поддршка и од Нова демократија и од ПАСОК.

Имаше долга политичка кариера која почна уште во 1964 година, кога првпат беше избран за пратеник во грчкото собрание. Активен член на десничарската Нова демократија, тој беше дел и од првата грчка влада на Константинос Караманлис по падот на воената хунта во Грција.

Поранешниот грчки претседател неколку години се одвои од матичната партија и формираше свое движење, кое конечно во 1990 година повторно се припои кон Нова демократија и даде поддршка на партијата за да ѝ овозможи да освои мнозинство во грчкиот парламент.

Стефанопулос беше избран за претседател со широка поддршка од грчкиот парламент најпрво во 1995 година, а потоа и повторно во 2000 година. Сè уште важи за еден од најпопуларните грчки политичари, а пред пет години излезе со став дека на Грција ѝ е неопходна влада на широка партиска коалиција за да излезе од политичкиот хаос и за подобро да се справи со финансиската криза.

Пораки за сочувство за смртта на Стефанопулос испратија премиерот Алексис Ципрас, претседателот Прокопис Павлопулос и голем број политичари од грчката влада и од матичната партија на поранешниот грчки претседател, Нова демократија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...