Папата Франциск почина на 88-годишна возраст, соопшти Ватикан.
Поглаварот на Римокатоличката црква, кој беше бискуп на Рим и духовен водач на повеќе од милијарда верници, стана папа во 2013 година, откако неговиот претходник Бенедикт Шеснаесетти поднесе оставка.
Веста за смртта на поглаварот на Римокатоличката црква ја соопшти кардиналот Фарел.
„Драги браќа и сестри, со длабока тага морам да ја објавам смртта на нашиот Свет Отец Франциск. Утрово во 7:35 часот по локално време, бискупот на Рим, Франциск, се врати во домот на Отецот. Целиот свој живот го посвети на служба на Господ и на Неговата Црква“, изјави кардиналот Фарел.
На 14 февруари Папата беше примен во болница на лекување на бронхитис.
Во деновите што следеа, Ватикан соопшти дека му била дијагностицирана билатерална пневмонија и дека му била извршена трансфузија на крв, откако тестовите покажале ниски нивоа на тромбоцити, поврзани со анемија.
На 22 февруари Ватикан објави дека папата е во критична состојба по „продолжена респираторна криза“ која бара давање на големи количини кислород, а следниот ден беше објавено дека папата развил блага бубрежна инсуфициенција.
Роден во 1936 година, папата Франциско беше првиот папа од Јужна Америка.
