По вчерашните протести приведени се четири лица против кои МВР поднесе прекршочни пријави, изјави денеска Иво Котевски, помошник-министер за односи со јавноста на МВР, на одбележувањето на Денот на полицијата.
Котевски рече и дека идентификувани се уште девет учесници на протестот кои предизвикувале насилство, но сè уште се работи на квалификација на нивните дела во соработка со надлежниот јавен обвинител.
– Од останатите приведени, досега на 17 лица им се издадени глоби и поднесени им се прекршочни пријави поради непочитување наредба издадена од овластено службено лице од надлежен државен орган – истакна Котевски.
