fbpx

По трет пат опожарено возило на еден ист сопственик во Штип

-

Рано изутрината на улицата „Сутјеска“ во Штип опожарено е возило „БМВ“. Од огнот е зафатено друго возило „шкода фабија“, паркирано до „БМВ“-то. Пожарот во СВР Штип е пријавен во 5.30 минути.

„Опожареното возило е сопственoст на З.Ч. (34). Увид на местото извршила увидна екипа на СВР Штип. Се работи на расчистување на случајот,“ соопштија од СВР Штип.

Од полицијата не соопштија други детали, како што рекоа, во интерес на истрагата.

Од она што го дознаваме, ова е трето запалено возило кое е во сопственост на З.Ч. Првото возило е запалено лани во октомври, додека второто во март годинава. Првите две беа опожарени на ист начин, со поставување на молотов коктел во задниот дел, до местото за полнење на гориво. Неофицијално, и овој пат се работи за пресметка на криминални групи, кои се занимаваат со продажба на дрога. Во меѓусебното „војување“ до сега се опожарени повеќе од 10 возила. Полицијата до сега расветли само еден случај, што е процесуиран до Основно јавно обвинителство.  

Од Основно јавно обвинителство ни беше кажано дека е даден налог за истрага за опожареното „БМВ“, по што очекуваат првичен извештај од полицијата.

Во период од една година во Штип гореа над 25 возила. Еден дел се самозапалени, додека за десетина е утврдено дека намерно се запалени, односно се работи за кривично-правен настан.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сојузот на синдикати најави три протести, првиот ќе се одржи во вторник

Работниците и граѓаните повеќе немаат изговор да не учествуваат на протестите што ги организира Сојузот на синдикатите на Македонија (ССМ), рече првиот човек на Сојузот, Слободан Трендафилов, на прес-конференција...