Бруталните методи на испитување, кои ЦИА ги користела над осомничените за тероризам, можат да остават долгорочни психолошки последици, укажуваат научниците.
Извештајот на Сенатот, објавен на почетокот од месецов, детално ги опишува контроверзните методи што испитувачите ги користеле за да ги направат притворениците пасивни и немоќни. Испитувачите користеле техники како држење во будна состојба и симулирано давење, за да ги доведат притворените до состојба која психолозите ја нарекуваат „научена беспомошност“.
Научниците тврдат дека мозокот може да стане условен од стравот и од стресот, како и кај личноста да се појави пост-трауматски стрес, состојба на долготрајна анксиозност, депресија, како и трајна промена на личноста.
