fbpx

По работната вечера во Охрид, Димитров и Коѕиас на нова преговарачка рунда

-

Шефот на грчката дипломатија Никос Коѕијас од вчера попладне е во официјална посета на Македонија. Тој во Охрид беше пречекан од високи претставници од Министерството за надворешни работи, по што имаше работна вечера со неговиот колега, Никола Димитров.

Денеска двајцата министри ја започнуваат и официјалната преговарачка рунда за спорот со името. Ова е трета средба меѓу Димитров и Коѕијас, која се случува една недела пред новиот извештај на Европската комисија за напредокот на Македонија, во кој Владата очекува да добие безусловна препорака за почеток на преговорите.

Пред пристигнувањето на Коѕијас во Охрид, шефовите на дипломатиите на двете земји изразија оптимизам и надеж за успешни преговори и позитивни резултати и за двете страни.

Наскоро се очекува и средба на двајцата премиери, Зоран Заев и Алексис Ципрас, средба за која шефот на македонската Влада рече дека е клучна за решението, односно дека ако се случи тоа ќе значи дека е постигнат договор.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...