Соединетите Американски Држави (САД) оценија дека се „скандализирани“ од нападот на сириските владини сили врз една болница во Алепо и ја повикаа Русија да преземе нешто за да го заузда својот сириски сојузник, претседателот Башар ал Асад.
Државниот секретар Џон Кери изјави дека тактиката на сирискиот режим е намерно да напаѓа болници во зоната под контрола на бунтовниците.
Генералниот секретар на ОН, Бан Ки-мун, исто така го осуди нападот врз болницата, наведувајќи дека за „такви злосторства правдата мора да биде задоволена“.
Во најновиот напад загинаа 27 луѓе, меѓу кои и шест болничари и три деца.