fbpx

По две години затворски казни за Мијалков и за Тачи за случајот „Титаник 2“

-

На поранешниот директор на УБК Сашо Мијалков и лидерот на ДПА Мендух Тачи, денеска им беа изречени по две години казна затвор за случајот „Титаник 2“. Пресудата беше објавена во Кривичниот суд. Затворски казни од времетраење од две години, им беа изречени и на поранешните членови на ДИК Бедредин Ибраими, Анета Стефановска, Сашо Срцев и на Влатко Сајковски. Тие се осудени за повреда на избирачкото право, а Сашо Мијалков за примање награда за противзаконито влијание.

Според обвинението, Мијалков преку лидерот на ДПА Мендух Тачи, нарачал да му наложи на сопартиецот од ДИК, Бедредин Ибраими, да гласа за поништување на регуларно гласање во избирачко место во Струмица, во корист на Васил Пишев од ВМРО-ДПМНЕ, на штета на тогашниот кандидат за градоначалник, Зоран Заев.

Првиот судски процес за случајот „Титаник 2“ заврши пред речиси четири години, со казни повисоки од изречените денес. Мијалков тогаш доби три години затвор, Тачи три години и два месеци, Ибраими доби четири и пол годишна затворска казна, а останатите членови на ДИК беа осудени на по три години затвор.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

По вторпат транспортирано лице со мозочен удар од Унгарија со полициски хеликоптер

Лице со мозочен удар денеска беше превезено од Уггарија во земјава со полициски хеликоптер на МВР, опремен со потребна медицинска опрема за таков лет. Ова е вторпат да се...