fbpx

Пломп: Следен чекор е што е можно поскоро формирање влада

-

„Мислам дека е позитивно што конечно Собранието се конституираше и успеа да избере спикер, што беше препознаено и од ЕУ и од САД. Сметам дека следен чекор е формирањето влада, што е можно поскоро, за да ја придвижи земјата напред“, изјави амбсадарот на Холандија во Македонија, Ваутер Пломп, за телевизијата „Алсат-М“.

Тој смета дека какво било друго сценарио нема да биде од корист за Македонија и за нејзините граѓани.

„Се надевам дека државните интереси ќе бидат ставени над личните и над партиските интереси. И на крајот, мислам дека парламентот е место каде што треба да бидат разменети различни мислења, треба да има здрава дебата која ќе ја придвижи земјата напред“, додаде Пломп.

Холандскиот амбасадор вели дека бил шокиран кога слушнал што се случувало во Собранието во четвртокот вечерта.

Тој додава дека следен чекор би бил „целосна истрага и гонење на извршителите на сериозни кривични дела, како и евентуално на тие што олесниле или не сториле доволно да спречат тоа да се случи.

„Мислам дека тоа е нормален тек на настаните во секоја земја без разлика дали е или не е членка на Европската Унија. Но, би рекол дека е важно за земја која има аспирации да стане членка на ЕУ“, додаде Пломп.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...