fbpx

Платформа за борба против корупцијата: Владата да го напушти коалициското преговарање за професионални позиции во јавниот сектор

-

Платформата на граѓански организации за борба против корупцијата преку отворено писмо ја потсетува Владата дека при именувањето на професионалното раководно ниво во јавниот сектор, има должност да обезбеди конкурентна процедура низ јавен оглас.

Од Платформата велат дека Владата мора да го напушти коалициското преговарање на професионалните позиции во јавниот сектор.

„Во врска со најавеното именување на раководители и заменици на повеќе јавни институции, установи и државни претпријатија, по новиот коалициски договор, Платформата на граѓански организации потсетува на програмската заложба на Владата на Република Северна Македонија за професионализација на јавната администрација. Оттука, ја потсетуваме Владата дека при именувањето на професионалното раководно ниво во јавниот сектор, има должност да обезбеди конкурентна процедура, низ јавен оглас. За таа цел, Владата мора да го напушти коалициското преговарање за професионалните позиции во јавниот сектор“, се вели во отвореното писмо на Платформата на граѓански организации за борба против корупцијата.

Оттаму додаваат дека на патот кон Европската Унија, Владата има обврска пред граѓаните да ги избере најдобрите раководители за да овозможи институции кои ќе им обезбедат квалитетни услуги.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Ангеловска-Бежоска: Земјите од Западен Балкан годишно губат 18 отсто од БДП поради родовиот јаз на пазарот на труд

Последователните економски шокови изминатите години дополнително го отежнуваат намалувањето на родовата нееднаквост, поради нивното понеповолно влијание врз женската популација. Кај повеќето земји од регионот на Западен Балкан стапката на...