Струмичката полиција поднела кривични пријави против петмина прилепчани, кои се товарат дека извршиле два обиди за тешка кражба и една тешка кражба во станови во Струмица и во Гевгелија, соопшти полицијата.
Станува збор за А.Р. (20), М.Ј. (28), Ж.Б. (45), Г.Ј. (36) и за Н.Т. (27), на кои судија на претходна постапка им одредил мерка притвор од осум дена. Првоосомничениот, како што информираат од полицијата, не ја издржува мерката бидејќи е во бегство.
Според полицијата, осомничените, организирани во групи, во два случаи се обиделе на ограбат станови во Струмица и во Гевгелија, а во еден случај успеале да украдат 1.000 евра, 180 фунти, разновиден сребрен накит и опрема за геодетска работа. Вкупната вредност на пленот била проценета на околу 150.000 денари.