fbpx

Пет лица затруени со храна во гостилница „ДМ“ во Скопје

-

Пет лица имале труење со храна во гостилницата „ДМ“ во Скопје, соопшти Министерството за здравство откако денеска Центарот за јавно здравје го известило Државниот санитарен и здравствен инспекторат дека заразното заболување било пријавено од Универзитетската клиника за инфективни болести и фебрилни состојби.

Државниот санитарен и здравствен инспекторат денеска извршил вонреден инспекциски надзор во гостилницата „ДМ“, лоцирана на улица Орце Николов, заедно со екипа на ЦЈЗ Скопје и со претставници од Агенција за храна и ветеринарство при што гостилницата е времено затворена.

Од извршениот вонреден инспекцискиот надзор било констатирано дека во гостилницата „ДМ“ имало незадоволително одржувана општа хигиенска состојба по што била извршена превентивна дезинфекција, дезинсекција и дератизација. Надзорот исто така утврдил дека вработените лица во кујна користат заштитна опрема при работа, а сите присутни вработени лица носат работна облека.

При надзорот биле земени десет брисеви од работни површини за микробиолошко испитување, потоа брисеви од нос и грло од шест вработени лица како и пет мостри од храна.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Доналд Туск: Во ризик сме од војна, Европа не е подготвена

Полскиот премиер Доналд Туск изјави оти смета дека постои огромен ризик од војна и оти никој во Европа нема да се чувствува безбедно доколку Русија победи во Украина, пренесува...