Вчера во 19 часот на крстосницата од регионалниот пат Скопје-ХЕЦ Козјак со ул.„1“ во с. Батинци, скопско, патничко возило „фолксваген голф“ со скопски регистарски ознаки, управувано од А.С.(33) од с. Цветово, скопско, удрило во пешакот Ф.И.(83), кој бил од Батинци.
Од здобиените повреди починал Ф.И. По наредба на јавен обвинител, телото на починатиот е дадено на обдукција. Со телесни повреди се здобил возачот А.С., констатирани во Градската општа болница „Св. Наум Охридски“ во Скопје.
Извршен бил увид од јавен обвинител и увидна екипа од СВР Скопје.
