fbpx

Пендиков стана европски државјанин, Јотова лично му ја даде личната карта

Тој кажа дека планира да се запише на факултет во Бугарија и да студира меѓународни односи и човекови права, а потоа да се врати во Република Северна Македонија

-

Христијан Пендиков, секретарот на бугарскиот клуб во Охрид „Цар Борис Трети“ денескa на официјална церемонија во Претседателството во Софија доби бугарско државјанство, пренесе БГНЕС.

Бугарската потпретседателка Илијана Јотова лично му ја предаде личната карта, му вети заштита од државата и го опиша како храбар млад човек кој останал верен на своето бугарско потекло. Таа му честиташе за добивањето бугарско државјанство и истакна дека сега станал граѓанин на ЕУ.

„Голема чест ми е да ви го предадам указот со кој Бугарија ви дава државјанство. Од денеска ќе ги имате правата и обврските што ги има секој граѓанин во нашата држава. Горда сум што можам да врачам бугарски лични документи на млад, храбар човек, кој и покрај насилството и заканите остана доследен на своето потекло“, рече Јотова. .

Пендиков рече дека се чувствува позаштитено затоа што знае дека Бугарија го штити, особено откако добива закани по неговиот живот во Северна Македонија.

„Помирно е чувството дека можам посмирено да одам во Северна Македонија, каде ми претстојат судски процеси и се надевам дека некогаш ќе завршат. Се чувствувам позаштитено затоа што знам дека Бугарија ме штити кога ќе одам во Северна Македонија за случаите каде што всушност добивам закани по мојот живот секој ден“, објасни Пендиков.

Тој кажа дека планира да се запише на факултет во Бугарија и да студира меѓународни односи и човекови права, а потоа да се врати во Република Северна Македонија, за да се бори за правата на македонските Бугари и за признавање на бугарското малцинство во уставот.

На судењето за Пендиков презентирани снимките од тепачката

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...