На денешната средба на претседателот Стево Пендаровски со претседателот на Собранието, Талат Џафери, тие договориле тесна координација во корист на граѓаните и на државата, соопшти кабинетот на шефот на државата.

На средбата Џафери му го честитал стапувањето на функција претседател на државата на Пендаровски, а тие разговарале за тоа сите релевантни институции во државата во претстојниот период да ги насочат севкупните капацитети кон реализација на следниот важен чекор за државата, одредување датум за почеток на пристапните преговори со Европската Унија.

Притоа Пендаровски го посочил значењето на Собранието во реализацијата на реформската агенда и на парламентарната димензија во остварувањето на интересите на земјата на меѓународен план.