Властите во Пелагонија се во паника поради можно излевање на Црна Река. По поројните дождови во изминатите 24 часа, но и поради презаситеност на почвата со влага, синоќа нивото на Црна достигнало 3,90 метри, ако се знае дека капацитетот за апсорпција на водата е 4,30 метри.
Од Дирекцијата за заштита и спасување будно ги следат состојбите, особено со водостојот на реката во демирхисарско Бучин, како и во полските села Егри, Оптичари и по течението на реката кај селото Радобор.
– Утрово сме на терен да видиме каква е состојбата по дождот кој наврна ноќеска. Факт е дека водостојот на Црна е висок и тука треба да се преземат мерки. Ако дождот престане, има надеж ситуацијата да се подобри, но што ако продолжи да врне и во наредните денови? Тоа би било сериозна закана за земјоделските површини во одредени делови од Пелагонија, но и за оние населби кои се пониски од нивото на реката. Во исто време, мора да се каже дека почвата е веќе презаситена со влага, нема каде да оди таа вода – вели Димче Јошевски, од регионалната подружница на Дирекција за заштита и спасување во Битола.
На нозе веќе се властите во пелагониската општина Новаци. Оттаму велат дека од вчера се чистат каналите во неколку села за да се направи протек на надојдената вода.
– Веќе интервенираме во каналската мрежа кај селата Далбеговци, Добромири и Горно Агларци. Ја следиме состојбата и подготвени сме да интервенираме со наша механизација. Доколку ситуацијата се влоши, ќе мора да побараме помош и од ЦУК – вели градоначланикот на Општина Новаци, Лазе Котевски. Оваа година, поради големата влага во почвата, во Пелагонија се одложи есенската сеидба. Нивите, наместо со пченица, покриени се со вода.
Од Дирекцијата за заштита и спасување будно ги следат состојбите, особено со водостојот на реката во демирхисарско Бучин, како и во полските села Егри, Оптичари и по течението на реката кај селото Радобор.
– Утрово сме на терен да видиме каква е состојбата по дождот кој наврна ноќеска. Факт е дека водостојот на Црна е висок и тука треба да се преземат мерки. Ако дождот престане, има надеж ситуацијата да се подобри, но што ако продолжи да врне и во наредните денови? Тоа би било сериозна закана за земјоделските површини во одредени делови од Пелагонија, но и за оние населби кои се пониски од нивото на реката. Во исто време, мора да се каже дека почвата е веќе презаситена со влага, нема каде да оди таа вода – вели Димче Јошевски, од регионалната подружница на Дирекција за заштита и спасување во Битола.
На нозе веќе се властите во пелагониската општина Новаци. Оттаму велат дека од вчера се чистат каналите во неколку села за да се направи протек на надојдената вода.
– Веќе интервенираме во каналската мрежа кај селата Далбеговци, Добромири и Горно Агларци. Ја следиме состојбата и подготвени сме да интервенираме со наша механизација. Доколку ситуацијата се влоши, ќе мора да побараме помош и од ЦУК – вели градоначланикот на Општина Новаци, Лазе Котевски. Оваа година, поради големата влага во почвата, во Пелагонија се одложи есенската сеидба. Нивите, наместо со пченица, покриени се со вода.
А.Б.