Патријархот московски и на цела Русија, Кирил, пристигна денеска во тридневна посета на Србија. На аеродромот „Никола Тесла“, Кирил беше пречекан од српскиот патријарх Иринеј и од српскиот министер за надворешни работи, Ивица Дачиќ, јавуваат српските медиуми.
– Нашите цркви се поврзани, ја сочуваа довербата меѓу народите, што е од големо значење –  рече Кирил по пристигнувањето.

Патријархот Кирил, исто така, изрази големо задоволство што стапнува „на оваа земја” и додаде дека се чувствува како дома.

– Русија и Србија и народите на двете земји ги поврзуваат историјата и културата, како и зедничкото војување – изјави Кирил.

В сабота, патријархот московски и на цела Русија треба да го освети споменикот на царот Николај Втори и да ги посети руските гробишта во Белград.