fbpx

Патничките и товарните возови не сообраќаат, железничарите бараат плата

-

Втор ден не функционира патничкиот и товарниот железнички сообраќај во земјава. Вработените од Железници на РСМ-Транспорт не ги исполнуваат своите работни обврски поради тоа што не им е исплатен вториот дел од платата за декември. Уште во ноември лани, тие ја предупредија државата дека возовите нема да сообраќаат, доколку најдоцна до 25-ти во месецот не им биде во целост исплатена платата од претходниот месец.

Синдикатите на машинскиот и извршниот персонал во Железници на РСМ-Транспорт ја донесоа ваквата одлука на 2 ноември минатата година, а штрајк на железничарите поради неисплатена плата имаше во ноември, но и во август лани.

Неподмирувањето на плата кон вработените во Железници на РСМ-Транспорт е проблем што се провлекува со години наназад во еден од најголемите државни загубари. Според податоците на Министерството за финансии, на крајот од 2021 година Железници на РСМ-Транспорт има акумулирани загуби во износ од 65 милиони евра. Притоа, ваквите долгови на претпријатието растат во континуитет низ годините.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...