fbpx

Партиските обврски на пратениците пак ја прекинаа дебатата за законот за јазиците

-

Поради партиските обврски на пратениците за поднесување кандидатски листи за претстојните локални избори закажани на 15 октомври, претседателот на Собранието, Талат Џафери, наместо во 18 часот, седницата ја прекина во 16 часот. Следното продолжение на собраниската седницата, на која се расправа за предлог-законот за употреба на јазиците, рече дека дополнително ќе го закаже и ќе ја информира јавноста.

Денешната прва седница, на која беше отворена општа расправа за предлог-законот за употреба на јазиците, помина во меѓусебни обвинувања на владејачкото мнозинство и на опозицијата.

Од ВМРО-ДПМНЕ велат дека предлог-законот е неуставен, дека тој произлегува од т.н. тиранска платформа и дека со него се воведува двојазичност на целата територија на државата.

Според опозицијата, законот преставува политички договор помеѓу СДСМ и ДУИ за да ги покријат штетите направени од досегашното владеење.

На ова реагираше координаторот на пратеничката група на СДСМ, Томислав Тутнев, кој рече дека законот е базиран на Уставот во рамките на амандманот 5.

Од парламентарното мнозинство сметаат дека предложениот закон ќе ја унапреди државата, а нема да ја уништи, како што тврди опозицијата.

Предлог-законот за употреба на јазиците предизвика голем интерес за дебата во Собранието. За збор се пријавени повеќе од 70 пратеници, а расправата по оваа точка ќе продолжи и следните денови.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Фотографија од Макрон е креирана со вештачка интелигенција

Ако внимателно ја набљудувате фотографијата на Емануел Макрон, забележливо е дека е создадена од вештачка интелигенција. На пример, претседателот на Франција има неприродно долги прсти на десната рака, а...