fbpx

Партиите дури денеска почнаа дебата за проблемите во медиумите

-

ВМРО-ДПМНЕ дури денеска доставила предлози за решенија во сферата на медиумите, па затоа се пролонгира последниот рок за решение на оваа проблематика опфатена со Договорот од Пржино, брифираат извори од преговарачкиет тимови.

Се очекува попладнево тие да ги изнесат своите забелешки околу решенијата, по што ќе треба да дебатираат за да ги усогласат ставовите.

Според информациите, СДСМ се залага за целосна департизација и деполитизација на медиумите, но бидејќи рокот за наоѓање решенија за делот од Договорот во Пржино за медиумите доцни, се залага за два вида решенија – краткорочни и долгорочни.

Краткорочните решенија, сметаат од партијата, треба да овозможат департизирање и нормално функционирање на Агенцијата за медиуми, МРТ и МИА до завршување на изборите, односно да бидат такви што ќе ги оневозможат ВМРО-ДПМНЕ и ДУИ да имаат директно влијание врз медиумите.

Решенијата за чие имплементирање е потребен подолг рок, треба да овозможат целосна департизација и отстранување на политичките влијанија врз Агенцијата за медиуми, МРТ и МИА.

Од СДСМ сметаат дека поради кратките рокови со посредникот Питер Ванхауте било договорено здруженијата на новинари и невладините организации да не присуствуваат на преговорите, а нивните забелешки да се разгледуваат. Оттаму информираат дека тие ќе бидат транспарентни и целата јавност ќе дознае за нивната намера.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...