Парламентот во Јужна Кореја денеска гласаше за импичмент на претседателот на Јужна Кореја, Jун Сук Јеол, а 204 пратеници го поддржаа предлогот. Тројца беа воздржани, а осум гласа беа поништени, пренесува „Гардијан“. Тоа значи дека Јун веднаш ќе биде суспендиран од функцијата, а премиерот ќе стане вршител на должноста претседател.
Првата иницијатива за импичмент против Сук Јеол, за прогласување воена состојба на 3 декември, беше отфрлена минатата сабота поради немање кворум, при што речиси сите пратеници од владејачката Партија на народна моќ го бојкотираа гласањето. За усвојување на предлогот беше потребно двотретинско мнозинство, за што е потребна поддршка од најмалку осум пратеници од ЈПП.
Како што пренесува „Ројтерс“, иако е суспендиран, до јуни ќе остане на функцијата додека Уставниот суд не го смени. Кога ќе има промена, ќе се распише втор круг избори.
Јун е вториот конзервативен претседател по ред кој е отповикан во Јужна Кореја. Парк Геун-хе беше отстранета од функцијата во 2017 година.
